ढल्केवर(धनुषा) : धनुषामा गोली लोड भएको पेस्तोलसहित एक युवकलाई प्रहरीले पक्राउ गरेको छ।
पक्राउ पर्नेमा धनुषाको मिथिला नगरपालिका-७ का २८ वर्षीय रोशन महतो रहेका छन्। उनलाई मिथिला नगरपालिका-२ नकटाझिज चौकस्थितबाट पक्राउ गरिएको हो।
इलाका प्रहरी कार्यालय महेन्द्रनगरबाट खटेको टोलीले शंकाको आधारमा महतोलाई चेकजाँच गर्दा माउजर पेस्तोल एक थान, गोली २ राउण्ड लोड गरिएको र एक थान म्याग्जीनसहित नियन्त्रणमा लिएको मधेस प्रदेश प्रहरी कार्यालयका प्रवक्ता प्रहरी उपरीक्षक सुमनकुमार तिम्सिनाले जानकारी दिए।
पक्राउ परेका महतोलाई जिल्ला प्रहरी कार्यालय धनुषामा राखेर थप अनुसन्धान थालिएको प्रहरीले जनाएको छ।
प्रतिक्रिया दिनुहोस !
