नुवाकोट : नुवाकोटको खरानीटारमा जिल्लास्तरीय अन्तर पालिका भलिबल प्रतियोगिता सुरु भएको छ।
तादी गाउँपालिकाको आयोजनामा जिल्लास्तरीय अन्तरपालिका प्रथम तादी अध्यक्ष कप भलिबल प्रतियोगिता बुधबारदेखि सुरु भएको छ।
अमरज्योति मावि खरानीटारको खेल मैदानमा माघ २१ सम्म सञ्चालन हुने प्रतियोगितामा विभिन्न १३ वटा भलिबल समूहले सहभागिता जनाएको आयोजक तादी गाउँपालिकाकी उपाध्यक्ष सन्जु प्याकुरेल श्रेष्ठले जानकारी दिइन्।
प्रतियोगिताको उद्घाटन खेलमा आयोजक तादी गाउँपालिका विजयी भएको छ। प्रतियोगितामा विजेतालाई नगद एक लाख ५० हजार, उपविजेतालाई एक लाख, तेस्रो हुनेलाई नगद ५० हजार रुपैयाँसहित शिल्ड, मेडल र प्रमाणपत्र प्रदान गरिने छ।
प्रतिक्रिया दिनुहोस !
