राजविराज : सप्तरीमा बुवाको हत्या गरी फरार रहेका आरोपित पक्राउ परेका छन् । हनुमाननगर कंकालिनी नगरपालिका–१४ का ६५ वर्षीय जगदिश रामको हत्या गरी फरार रहेका उनका ३५ वर्षीय छोरा देवकुमार राम पक्राउ परेका हुन् ।
घटनापछि फरार रहेका आरोपित पछिल्लो समय गाउँघरमा नै लुकीछिपी बस्दै आएका थिए । गाउँघरमै रहेको जानकारी पछि पक्राउ गरिएको जिल्ला प्रहरी कार्यालय सप्तरीका डिएसपी नरेश कुमार सिंहले जानकारी दिए ।
आफ्नै घरमा बसिरहेका बेला २०७६ बैशाख २१ गते राति देवकुमारले घरायसी विवादमा बुवाको हत्या गरेका थिए । जग्गा जमिनका विषयमा बुवाछोराबीच विवाद रहेको थियो । घटनापछि मृतककी जेठी बुहारी ३० वर्षीया सुनीतादेबी रामले जिल्ला प्रहरी कार्यालयमा उजुरी दिएकी थिइन् ।
प्रतिक्रिया दिनुहोस !
