काठमाडौं : नेपालका लागि टीभीएसको आधिकारिक वितरक कम्पनी जगदम्बा मोटर्सले गत अपाचे ओनरस्ग्रुप (एओजी) को मार्क्यु राइड गर्ने भएको छ।
फागुन ११ गतेबाट सुरु हुने यात्रा २१ दिन लामो हुनेछ। जसमा नेपाल, भारत र बंगलादेशका राइडरहरू सहभागी हुने छन्। पहिलो दिन काठमाडौंबाट रक्सौल हुँदै भारत प्रवेश गर्ने यो यात्रा करिब ६ हजार ५०० किलोमिटर लामो हुने अनुमान छ।
कार्यक्रमका लागि पाँच सयभन्दा बढी अपाचे राइडरहरूले अनलाइन आवेदन दिएको आयोजकले जनाएको छ।
काठमाडौंबाट सुरु हुने यो राइड रक्सौल, गया, राउरकेला, सारंगढ़, गोंदिया, अमरावती, औरंगाबाद, सातारा, गोवा, उडुपी, मैसूर, बंगलौर, तिरुपति, विजयवाड़ा, विशाखपटनम, ब्रह्मपुर, भद्रक, कोलकाता, भागलपुर, बाट रक्सौल हुँदै काठमाडौंमा आएर सम्पन्न हुने छ।
राउरकेलामा नेपाल र बंगलादेशका राइडरहरूको भेट हुनेछ। राइडर्सहरू विभिन्न रुट हुँदै गोवा जानेछन्। राइडरहरूले राइडका क्रममा भारतका विभिन्न ठाउँको भ्रमण पर्यटकीय क्षेत्रहरूको पनि भ्रमण गर्ने छन्।
यसै क्रममा मार्च ३ र ४ मा गोवामा मोटोसोल अल्टिमेट बाइकिङ फेस्टिभल हुनेछ। जहाँ विभिन्न बाइकिङ गतिविधिहरूका साथै गिगहरूमा र टिभिएसका उत्कृष्ट बाइक, बाइकिङ पोशाक र प्रविधिहरूको प्रदर्शनी गरिनेछ।
प्रतिक्रिया दिनुहोस !
