गोरखा : पालुङ्टार नगरपालिका-८ दुभारका एक पुरुष चितुवाले दारेर घाइते भएका छन्।
जंगलमा गाईवस्तु चराउन गएका ६२ वर्षीय रामकुमार कुमाल चितुवाको आक्रमणबाट घाइते भएका स्थानीय शंकर कँडेलले जानकारी दिए।
उनको टाउको, छाती र पाखुरामा गहिरो चोट लागेको प्रहरीले जनाएको छ। उपचारका लागि चितवन मेडिकल कलेजमा पठाइएको प्रहरीले जनाएको छ।
एक महिलालाई लखेट्दै गरेको देखेर कुमालले चितुवालाई ढुंगाले हानेपछि महिलालाई छाडेर चितुवाले पुरुषलाई झम्टिएको प्रहरीको भनाइ छ।
प्रहरीका अनुसार गोठालो गएका अरू पुरुषहरू पनि धुरिएपछि चितुवा त्यहाँबाट भागेको थियो।
प्रतिक्रिया दिनुहोस !
