सुजुकीको ग्राण्ड भिटारा र नयाँ ब्रेजा नेपाली बजारमा सार्वजनिक

सुजुकीको ग्राण्ड भिटारा र नयाँ ब्रेजा नेपाली बजारमा सार्वजनिक
सुन्नुहोस्

काठमाडौं : नेपालमा दुई नयाँ एसयूभी ‘द ग्राण्ड भिटारा’ र 'ब्रेजा' सार्वजनिक भएको छ। नेपालका लागि सुजुकी ब्राण्डको चारपांग्रे सवारीसाधनको आधिकारिक वितरक तथा सीजी होल्डिङअन्तर्गत अटोमोटिभ डिभिजन सीजी मोटोकर्प तथा सीजी नेक्स्टजेनले दुई नयाँ एसयूभी ‘द ग्राण्ड भिटारा’ र 'ब्रेजा' सार्वजनिक गरेको हो। 

दुवै गाडीका मूल्य पनि सार्वजनिक भएको छ। ‘द ग्राण्ड भिटारा’, सुजुकीको बहुप्रतिष्ठित मोडेल हो। यो नयाँ संस्करणको ग्राण्ड भिटारामा सुजुकीको आफ्नै Crafted Futurism Design Language को प्रयोग गरिएको जनाइएको छ। जसले अरूभन्दा फरक बाहिरी डिजाइन र प्रिमियम इन्टेरियर प्रदान गरेको छ।


सुजुकीको लेजेण्डरी अल ग्रिप टेक्नोलोजीले यस एसयूभीको अफ-रोड क्षमता बढाउने दाबी गरिएको छ। साथै यो सेग्मेंटको एसयूभीमा नभएको थुप्रै नयाँ फिचर्सहरू पनि पाउन सकिने छ। 

ग्राण्ड भिटारामा भारतीय बजारमै पहिलो पटक, अत्यधुनिक र कम इन्धन खपत गर्ने फुल हाइब्रिड प्रविधियुक्त इन्जिन प्रयोग गरिएको छ।

पुरानो संस्करणको भिटारा ब्रेजा, नेपालकै सर्वाधिक बिक्री हुने एसयूभी भएको कम्पनीको दाबी छ। ब्रेजामा अत्याधुनिक प्रविधिहरू र नेक्स्ट–जेनेरेशनको आराम र सुविधाजनक फिचर्सहरू पाउन सकिनेछ।

एक ठूलो फड्को मार्दै, यो स्पोर्टी एसयूभीले स्टाइलिश र रोमाञ्चक नयाँ डिजाइन, शक्तिशाली पर्फोमेन्स, उन्नत सुरक्षा सुविधाहरू प्रदान गर्नेछ। 

नयाँ ब्रेजामा हाई–टेक सुविधाहरू रहेका छन्। जुन शहर र बाहिर सडकहरूमा चलाउँदा उपयोगी हुन्छन्। निकै प्रतिस्पर्धी एसयूभी सेग्मेंटमा यी दुई एसयूभीले सुजुकीको उपस्थितिलाई अझै मजबुत बनाउने विश्वास कम्पनीले लिएको छ।

सीजी होल्डिङका कार्यकारी निर्देशक करण चौधरीका अनुसार पछिलो समयमा नेपाली बजारमा एसयूभीको माग उच्च छ। यसको एउटा प्रमुख कारण नेपालका फरक फरक ड्राइभिङ स्थल भएकाले एसयूभी उचित हुने जनाइएको छ।

साथै ग्राहकले आकर्षक डिजाइन, आरामदायी इन्टेरियर, नयाँ नयाँ अटो मोबाइल प्रविधियुक्त सवारी नै रोज्ने गरेका कम्पनीको दाबी छ। सेगमेन्ट-फर्स्ट सुविधाहरू, प्रिमियम इन्टेरियर, आकर्षक डिजाइन र उन्नत अटो मोबाइल प्रविधियुक्त नयाँ ग्रान्ड भिटारा र ब्रेजा, यो सेगमेन्टमा गेमचेन्जर हुने दाबी गरिएको छ। 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.