उदयपुर : उदयपुरको नारद आदर्श शिक्षा क्याम्पस बसाहाको स्ववियु सभापतिमा नेकपा एमाले निकट अनेरास्ववियुका केबल तामाङ विजयी भएका छ्न्।
आइतबार भएको निर्वाचनमा तामाङले नेकपा माओवादी निकट अखिल क्रान्तिकारीका ज्ञानदिल राईलाई तीन मतान्तरले पराजित गरे। बाँकी सबै पदमा नेविसंघ र समाजवादी विद्यार्थी संगठन बीचको गठबन्धन विजयी भएको छ।
प्राप्त मतपरिणाम अनुसार विजयी सभापति तामाङले ६५ र प्रतिद्वन्द्वी राईले ६२ मत प्राप्त गरेका छ्न्। गठबन्धनका उम्मेदवार नेविसंघका बिनम तामाङले ५१ मत प्राप्त गरेका छ्न्।
त्यसैगरी सचिवमा गठबन्धनका लोकबहादुर राउत ६८ मत, कोषाध्यक्षमा नाम्नुहाङ राई ६५ मत प्राप्त गरि विजयी भएका छ्न्।
प्रत्यक्षतर्फ तीन सदस्य पदमा भएको निर्वाचनमा गठबन्धनकै स्नेहा राई, सोनिया राई र खगिन राई विजयी भएका छ्न्।
समानुपातिक तर्फबाट सहसचिवमा अनेरास्ववियुका अनुप आचार्य र सदस्यमा यलिशा बिशुन्खे निर्वाचित भएका छ्न्। २०६ जना मतदाता रहेको यो क्याम्पसमा १८१ मत खसेको थियो।
जिल्लाका सातवटा क्याम्पस मध्ये त्रियुगा जनता क्याम्पस मोतिगडा, बरुवा क्याम्पस गाइघाट र नारद आदर्श क्याम्पस बसाहामा निर्वाचन भएको थियो। बाँकी क्याम्पस नयाँ रहेकाले निर्वाचन भएन। बरुवामा मतगणना जारी छ भने त्रियुगामा अझै केहिबेर लाग्नेछ।
प्रतिक्रिया दिनुहोस !
