हेटौंडा : मकवानपुरमा मोटरसाइकलको ठक्करबाट एक जनाको मृत्यु भएको छ। बागमती गाउँपालिका-८ खजुरीदमार निवासी ५० बर्षीय दिलबहादुर स्याङतानको मृत्यु भएको हो।
आज बिहान बागमती गाउँपालिका–८, साततले राजबास पुलस्थित हेटौंडा–फापरबारी सडकखण्डमा फापरबारीबाट हेटौंडातर्फ आउँदै गरेको बा २५ प १९०८ नम्बरको मोटरसाइकलले ठक्कर दिँदा स्याङ्तान गम्भीर घाइते भएका थिए।
उनलाई उपचारको लागि हेटौंडा अस्पताल ल्याइएको र उपचारको क्रममा मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए।
मृतक स्याङ्तानको शव पोस्टमार्टमको लागि हेटौंडा अस्पतालको शव गृहमा राखिएको छ। ठक्कर दिने मोटरसाइकल प्रहरीको नियन्त्रणमा रहेको छ भने चालक भने फरार रहेका छन्। चालकको खोजी कार्य भइरहेको प्रहरीले जनाएको छ।
प्रतिक्रिया दिनुहोस !
