काठमाडौं : राजु गिरीको निर्देशन रहेको चलचित्र ‘नम्बरी सुन’को दोस्रो पोस्टर सार्वजनिक भएको छ। पोस्टरमा फिल्मका प्रमुख पात्र गौरव पहारी, नम्रता सापकोटा, सरोज खनाल, बुद्धि तामाङ, राजाराम पौडेल, किरण नेपाली फिचर्ड छन्। फिल्म आगामी भदौ १ गतेबाट प्रदर्शनमा आउँदैछ।
सार्वजनिक पोस्टरमा कलाकारको भावलाई प्रस्तुत गरिएको छ। पोस्टरमा अभिनेत्री नम्रता सापकोटालाई साधारण महिलाका रुपमा प्रस्तुत गरिएको छ। यस्तै गौरवलाई केही आक्रोसित मुडमा देखाइएको छ। फिल्ममा खलपात्रको भूमिकामा देखिएका किरणलाई काँधमा हतियार बोकेको देखाइएको छ। अभिनेता सरोजलाई गम्भीर चरित्रमा देखाइदा राजाराम र बुद्धि आश्चर्यको शैलीमा प्रस्तुत छन्।
नारायण खातीको शब्द कथा तथा प्रस्तुति रहेको फिल्ममा गौरव पहारी, नम्रता सापकोटा, सरोज खनाल, राजाराम पौडेल, राजेन्द्र खड्गी, बुद्धि तामाङ, किरण नेपाली, सविन बास्तोला, विनोद न्यौपाने, गीता अधिकारीलगायतको अभिनय छ।
सुवर्ण शिभान्स प्रोडक्सनको ब्यानरमा निर्माण भएको फिल्ममा शिवम् अधिकारीको पटकथा तथा संवाद छ। फिल्ममा सरोज खाती, सविन खाती र मनोज रिजालको लगानी छ। फिल्ममा राजेशपायल राई, शान्तिश्री परियार, प्रताप दास र अनु चौधरीको स्वर छ।
अर्जुन पोखरेल र सन्तोष श्रेष्ठको संगीत, रामजी लामिछानेको नृत्य निर्देशन, समीर मियाँको भीएफएक्स, दिव्य सुवेदीको छायांकन, देव महर्जनको द्वन्द्व र गौतम राज खड्काले सम्पादन गरेका छन्। फिल्ममा विनोद भुजेलको ब्याकग्राउन्ड स्कोर, मनोरञ्जन श्रेष्ठको कलर करेक्सन छ।
प्रतिक्रिया दिनुहोस !
