ढल्केवर(धनुषा) : युवा व्यवसायी तथा समाजसेवी दिनेश महतो विभूषित भएका छन् । उनी विकास रत्न पदकबाट विभूषित भएका हुन् । बिहीबार गृहसचिव दिनेश भट्टराईले महतोलाई विभूषण अधिकारपत्र प्रदान गर्दै सम्मान गरेका हुन् ।
महोत्तरीको भंगहा नगरपालिका–४ स्थायी घर भएका समाजसेवी महतो दानवीरको रुपमा परिचित छन् । उनी सफल उद्योगपति समेत हुन् । नेपाल राष्ट्रको गौरव एवं नेपाली जनताको हित अभिवृद्धिमा उल्लेखनीय योग्दानको कदर गर्दै सम्मानस्वरुप उनलाई विभूषित गरिएको हो ।
नेपालको संविधानको धारा २७७ (१) बमोजिम मन्त्रिपरिषद्को सिफारिसमा विभूषण प्रदान गरिँदै आएको छ । राष्ट्रिय दिवस तथा संविधान दिवसका अवसरमा असोज ३ गते विभूषण घोषणा गरिएको थियो ।
मन्त्रिपरिषदको सिफारिसमा राष्ट्रपतिबाट मानपदवी, अलंकार र पदक गरी विविध क्षेत्रका व्यक्तिहरूलाई विभूषण दिने घोषणा गरिएको थियो ।
प्रतिक्रिया दिनुहोस !
