ऋणले बनायो बेघर : ब्याज र सावा तिरेपनि धितोमा राखिएको जग्गा बेचियो
वैशाख २९, २०८० शुक्रबार १६:९:३७
विराटनगर : साथीको छोरालाई विदेश पठाउन साहुबाट लिएको ऋणले सुनसरी देवानगंज गाउँपालिका एकजना किसान बेघर बनेका छन् । सुनसरीको देवानगंज गाउँपालिका १ का गुनानन्द मेहता बेघर बनेका हुन । गाउँकै साथीको छोरालाई विदेश पठाउन मेहताले खुस्बु देवी भगतको नाममा नौ कठ्ठा तीन धुर जग्गा घितोमा राखेर २ लाख ७५ हजार ऋण लिएका थिए ।
विस २०७१ सालमा मेहताले दुई रुपैयाँ ब्याजदरले भगतसँग लिएको ऋणको सबै सावा र ब्याज गरेर २०७४ सालमा नै चुक्ता गरेपनि साहु भगतले जग्गा फिर्ता नगरि बेचिदिएपछि घरबारविहीन बनेका हुन्।
मेहताले साथी बचालाल यादवका छोरा जीतु यादवलाई ऋण लिएर विदेश पठाउन पैसा दिएका थिए । अजय भगतको पत्नी खुस्बु देवी भगतको नाममा धितो वापत पास गरेको जग्गा फिर्ता गर्न ७ लाख रुपैयाँ बुझाए पनि जग्गा फिर्ता नगरि अर्कोलाई बेचेको पीडित मेहताले बताए ।
मिटरब्याजी अजय भगतले पैसा बुझाएपछि पटकपटक जग्गा फिर्ता गर्न आग्रह गरे पनि आलटाल गर्दै २०७८ साल माघ ५ गते दुई कित्ता बनाएर अरुलाई जग्गा बेचेको पाइएको हो ।
बेघर बनेका गुनानन्दले ७ लाख भगतलाई बुझाउन घर भएको जग्गा ३ कठ्ठा १४ धूर फरवाड वित्तिय संस्थामा फेरि घितो राखेर ३ लाख बुझाएको बुझिएको छ।
मेहताले ऋण लिएको ४ वर्ष नपुग्दै ब्याजसहित रकम बुझाएको ४ वर्षपछि धितोमा राखिएको जग्गा बेचेर घरबारविहीन बनाएको पीडा सुनाए । उनका अनुसार देवानगंज गाउँपालिका -१ कै पीडित मेहताको छिमेकी देवनारायण मेहतालाई ४ कठ्ठा र सूर्यनारायण मेहतालाई ३ कठ्ठा ३ धुर जग्गा १० लाख ५० हजारमा बेचेको हो ।
पीडित मेहताले भने,' ७ लाख बुझाएँ,फेरि १० लाख ५० हजारमा जग्गा बेचेर पनि भगतले राख्यो ।‘ पटकपटक स्थानीय स्तरमा राखिएको छलफलमा निष्कर्ष नआउँदा गाउँपालिकाको न्यायिक समितिमा समेत उजुरी दिएको उनले बताए ।
देवानगञ्ज गाउँपालिका -३ का वडा अध्यक्ष अनिल भगतको भाइ मिटरब्याजी भएकाले गाउँपालिकामा कुनै छलफलमा सहभागी भएनन्। पीडितका बुवा बुद्धिलाल मेहताले मिटरब्याजी अजयका कारण आफ्नो परिवारको उठिबास भएको आरोप लगाए ।
उनले २०७४ सालमा आफ्नो छोरा गुनानन्दले २ लाख ७५ हजारको ब्याजसावा गरी सात लाख बुझाए पनि जग्गा फिर्ता नगरी भगतले आजभोलि भन्दै जग्गाा बेचर बेखर बनाएको बताए ।
अब कुरा पनि गर्दैन पीडितका बुवा बुद्धिले भने,'उल्टै मुद्दा हाल्ने धम्की दिने गरेको छ । उनका अनुसार प्रशासनमा समेत उजुरी दिए पनि छलफलमा नआइ जिल्ला अदालतमा निषेशज्ञा मुद्दाको हालेको बताए । मिटरब्याजी अजय भगतसँग पटकपटक कुरा गर्दा सम्पर्कमा आउन चाहेन । म्यासेज गरे मोबाइल अफ गरेका छन् ।
उता मिटरब्याजी अजय भगतका दाइ देवानगंज गाउँपालिका -३ का वडा अध्यक्ष अनिल भगतसँग सम्पर्क गर्दा पछि फोन गरेर कुरा गर्ने भन्दै बोल्न मानेन् ।
प्रतिक्रिया दिनुहोस !
