काठमाडौं : क्रिकेटर सन्दीप लामिछाने विश्वकप क्रिकेट छनोट खेलमा जाने/नजाने अन्योल भएपछि सहकर्मी खेलाडीहरूलाई सुरक्षित यात्राको शुभकामना दिएका छन्।
उनले सामाजिक सञ्जालमार्फत् नेपाली क्रिकेट टोलीलाई शुभकामना दिएका हुन्। उनले नेपाली क्रिकेटलाई यो स्तरमा ल्याउन सबैको योगदान रहेको र टिमको क्षमतामा आफू विश्वस्त रहेको उल्लेख गरेका छन्।
नाबालिग बलात्कार प्रकरणमा धरौटीमा रिहा भएका सन्दीपलाई अदालतले विदेश भ्रमणमा रोक लगाएको छ। उनको मुद्दामा सुनुवाई जारी रहेकाले तत्कालै उनी विदेश जाने सम्भावना नरहेको बताइएको छ।
नेपाली क्रिकेट टोली जिम्बावेमा हुने विश्वकप छनोट खेल्नुअघि दक्षिण अफ्रिका प्रस्थान गर्दैछ। त्यहाँ नेपाली टोलीले नेदरल्यान्ड्स र स्कटल्यान्ड्ससँग अभ्यास खेल खेल्ने तालिका छ।
प्रतिक्रिया दिनुहोस !
