नुवाकोट : जिल्ला प्रशासन कार्यालय नुवाकोटले सरकारले दिएको समय सीमाभित्र संकलित मिटरब्याज पीडितहरूको उजुरीमाथि छानविन गरिरहेको छ।
मिटर ब्याज पीडितहरूलाई उजुरी दिन आह्वान गरेपछि समय सीमाभित्र प्रशासनमा उजुरी दिन र परामर्श लिन जानेहरू धेरै रहेका थिए।
कार्यालयको सहायता कक्षमा समयसीमा भित्रमा आठवटा लिखित उजुरी परेको छ। नुवाकोटको विभिन्न स्थानीय तह ठेगाना भएका व्यक्तिहरूले आठ थान उजुरी दर्ता गरेकोमा सम्बन्धित उजुरीमाथि छानविन सुरु गरिएको सहायक प्रमुख जिल्ला अधिकारी वेदनिधि अधिकारीले जानकारी दिए।
उजुरी दर्ताका लागि जिल्ला प्रशासनले वैशाख मसान्तसम्मको समय तोकेकोमा दोस्रो पटक समयावधि थप गरेर यही जेठ १४ गतेसम्म कायम रहेको समयभित्र दर्ता भएका उजुरीमाथि छानविन सुरु गरेर सम्बन्धित व्यक्ति झिकाउने कार्य सुरु गरिएको उनले बताए।
दर्ता भएका उजुरीलाई प्राथमिकता दिएर अनुसन्धान कार्य भइरहेको प्रमुख जिल्ला अधिकारी किरण थापाले जानकारी दिए।
प्रतिक्रिया दिनुहोस !
