दुर्घटनामा तीनवटा रेल परेका थिए। हावडा-चेन्नई कोरोमण्डल एक्सप्रेस मालगाडीसँग ठोक्किएपछि यसको डब्बा पटरीबाट खसेको थियो र अर्कोतर्फबाट आउँदै गरेको यशवंतपुर-हावडा सुपरफास्ट ट्रेनसँग ठोक्किएको थियो।
नयाँ दिल्ली : भारतको ओडिशाको बालासोर जिल्ला नजिकै रेल दुर्घटना हुँदा २३३ जनाको मृत्यु भएको छ। यस घटनामा करिब ९०० जना घाइते भएका बीबीसी समाचारमा उल्लेख छ ।
दुर्घटनामा तीनवटा रेल परेका थिए। हावडा-चेन्नई कोरोमण्डल एक्सप्रेस मालगाडीसँग ठोक्किएपछि यसको डब्बा पटरीबाट खसेको थियो र अर्कोतर्फबाट आउँदै गरेको यशवंतपुर-हावडा सुपरफास्ट ट्रेनसँग ठोक्किएको थियो।
ओडिशाका मुख्य सचिव प्रदीप जेनाले ट्वीट गर्दै यस दुर्घटनामा मृत्यु हुनेको संख्या २३३ रहेको बताए छन्।
रेलमन्त्री अश्विनी वैष्णव आफैं दुर्घटनास्थल गएका छन् । उनले ट्वीट गर्दै दुर्घटनाप्रति गहिरो दुःख व्यक्त गरेका छन् । उनले मृतकका आफन्तलाई १० लाख रुपैयाँ क्षतिपूर्ति दिने घोषणा गरेका छन् ।
यसका साथै गम्भीर घाइतेलाई २ लाख र सामान्य घाइतेलाई ५० हजार रुपैयाँ दिने घोषणा गरिएको छ ।
ओडिशाका मुख्य सचिव प्रदीप जेनाले रेल दुर्घटनामा घाइते भएकाहरूलाई गोपालपुरको अस्पतालमा भर्ना गरिएको बताएका छन्। यसबाहेक केही घाइतेहरूलाई बालासोरको मेडिकल कलेजमा भर्ना गरिएको छ। बीबीसी
प्रतिक्रिया दिनुहोस !
