नागरिकता विधेयक अदालतमा गइसक्यो, अब पर्खौं :  प्रधानमन्त्री

नागरिकता विधेयक अदालतमा गइसक्यो, अब पर्खौं :  प्रधानमन्त्री

काठमाडौं : प्रधानमन्त्री पुष्पकमल दाहाल ‘प्रचण्ड’ले नागरिकता विधेयकको मुल मर्म नेपाली नागरिकले सहज ढंगले नागरिकता पाउन भन्ने रहेको बताएका छन् । प्रतिनिधिसभामा बोल्दै प्रधानमन्त्री प्रचण्डले नागरिकता विधेयक अदालतमा गइसकेको र अब पर्खन सांसद्लाई आग्रह गरेका हुन् ।

प्रचण्डले भने, ‘नागरिकताविहीन १२ लाख पुगिसके । केपी ओली हुँदा ल्याएको अध्यादेश होस् चाहे शेरबहादुर देउवाजी हुँदा ल्याएको विधेयक होस् । उद्देश्य एकै हो।  तर, सरकारले निर्णय गर्छ, अदालतले रोक्छ । यो सत्तापक्ष र प्रतिपक्षले भोगेको पीडा हो । अदालतमा यो विषय गइसक्यो,'अब पर्खौं ।’

नेपाली नागरिकले सहज ढंगले नागरिकता प्राप्त गर्नुपर्ने बताए । प्रचण्डले भने, ‘अनागरिकले नागरिकता नपाउन भन्ने मुल मर्म हो । हामी सबै वास्तविक नेपाली नागरिकता प्राप्त गर्नबाट बञ्चित नहोस् भन्नेमा हामी प्रष्ट छौं,यो सिद्धान्तमा हामी कोहि द्वविधामा छैनौं । त्यतिबेला नागरिकतासम्बन्धी अध्यादेश जारी गर्दा प्रतिपक्षी दलको नेता प्रधानमन्त्री हुनुहुन्थ्यो ।’

नागरिकताको विषयलाई अनावश्यक ढंगले विवादित बनाइएको उनको भनाइ छ।  'नेपालमा विवाह गरेर आउने महिलाको हकमा केहि क्राइटेरिया राख्नुपर्ने भन्ने पक्षमा छौं । नागरिकता विधेयक सर्वसम्मत विधेयक हो ,'प्रचण्डले भने।


 


 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.