ढल्केवर(धनुषा) : धनुषाको बटेश्वर गाउँपालिकाले जग्गाको कित्ताकाट खुलाएको छ । पालिका भित्रको जग्गा वर्गीकरणको फाइल नापी कार्यालय धनुषालाई बुझाएसँगै बटेश्वर गाउँपालिका भित्रको जग्गाको कित्ताकाट खुलेको हो ।
गाउँपालिका अध्यक्ष रामअशिष महतोले जग्गा वर्गीकरणको फाइल नापी कार्यालय धनुषाका प्रमुख सुमन किशोर मिश्रलाई हस्तान्तरण गरेका हुन् । जिल्लामा दोस्रो पालिकाको रुपमा आफूहरुले कित्ताकाट खोलेका गाउँपालिका अध्यक्ष महतोले बताए ।
उनका अनुसार कृषि क्षेत्र, घडेरीलगायतका क्षेत्रहरुमा जग्गा वर्गीकरण गरिएको हो । ‘कित्ताकाट बन्द हुँदा स्थानीयहरु समस्या भोग्दै आएको थियो । अब कित्ताकाट खुलेको छ । विस्तारै अवस्था सहज हुने विश्वस लिएका छौं,’ अध्यक्ष महतोले भने ।
एरिकम बिल्डर्स प्रा.लि काठमाडौंको सहकार्यमा जग्गा वर्गीकरण तथा कित्ताकाट सम्बन्धी कार्य सम्पन्न गरेको बटेश्वर गाउँपालिकाका प्रमुख प्रशासकीय अधिकृत संतोष शर्माले बताए ।
प्रतिक्रिया दिनुहोस !
