ढल्केवर (धनुषा) : धनुषाको मिथिला नगरपालिकाका विद्यालयहरू पाँच दिनका लागि बन्द गरिएको छ।
मिथिला नगरपालिकाले आइतबार एक सूचना जारी गर्दै साउन २६ गतेसम्मका लागि नगरभित्रका सामुदायिक तथा निजी विद्यालयहरूमा बिदा दिएको हो।
केहीदिनदेखि आँखा पाक्ने संक्रामक रोगबाट विद्यालयमा अध्ययनरत बालबालिका र शिक्षक समेतमा फैलिएर दिन दिनै प्रकोप बढ्दै गइरहेकोले सम्भावित जोखिमलाई न्यूनीकरणका लागि साउन २६ गतेसम्मका लागि नगरभरिका विद्यालयहरूमा बिदा दिइएको मिथिला नगरपालिकाका प्रमुख प्रशासकीय अधिकृत वसन्त न्यौपानेले जानकारी दिए। ‘आगामी बिदाबाट कट्टा हुने गरी बिदाको व्यवस्था मिलाउन भनेका छौं,’ प्रमुख प्रशासकीय अधिकृत न्यौपानेले भने।
प्रतिक्रिया दिनुहोस !
