काठमाडौं : प्रतिनिधिसभाअन्तर्गत विभिन्न विषयगत समितिका सभापतिमा मनोनयन दर्ता गरिएको छ। ९ महिनापछि हुन लागेको समितिको सभापति निर्वाचनमा सत्तारुढ दलसहित प्रतिपक्षी दलका सांसदहरूसमेत उम्मेदवारी दर्ता गराएका हुन्।
जसअनुसार कांग्रेसले कृषि, सहकारी तथा प्राकृति स्रोत समिति, संयुक्त संसदीय सुनुवाइ समिति, सुशासन समिति र अर्थ समितिमा उम्मेदवारी दिएका छन्। कृषिमा आरजु राणा, संयुक्तमा जीवन परियार, सुशासनमा रामहरि खतिवडा र अर्थमा सन्तोष चालिसेले उम्मेदवारी दिएका हुन्।
त्यस्तै प्रतिपक्षी दलतर्फ नेकपा एमालेका सांसद ऋषिकेश पोखरेलले लेखा समिति, किरण कुमार साहले महिला तथा सामाजिक मामिला समिति र राप्रपाका दीपक सिंहले पूर्वाधार विकास समितिको सभापतिमा उम्मेदवारी दिएका छन्।
कोसी प्रदेशमा राप्रपाको समर्थन जुटाउन गठबन्धनले राप्रपालाई पनि समितिको सभापति बनाउने भएको हो। यसअघि पूर्वाधार विकास समितिमा माओवादीका माधव सापकोटाले सभापतिमा उम्मेदवारी दिने तयारी गरेका थिए।
प्रतिक्रिया दिनुहोस !
