कांग्रेसले सरकारलाई भन्यो - इजरायलमा नेपालीको उद्दार र उपचारमा ढिलाइ गर्नु हुँदैन
असोज २१, २०८० आइतबार १६:५२:३३
काठमाडौं : नेपाली कांग्रेसले इजरायलमा घाइते नेपालीको तत्काल उपचार र उद्दारका लागि सरकारसँग आग्रह गरेको छ। आइतबार प्रतिनिधिसभा बैठकमा बोल्दै नेपाली कांग्रेसका प्रमुख सचेतक रमेश लेखकले इजरायलमा रहेका नेपालीको खोजि,उद्दार र घाइतेहरूको उपचारका लागि सरकारले तदारुकताका साथ लाग्नुपर्ने बताएका हुन्।
उनले भने,'इजरायलमा भएको हमासको आक्रमणमा नेपाली नागरिकहरू समस्यामा परेका छन्। सरकारलाई नेपालीहरूको खोजि गर्ने,उद्दार र घाइतेहरूको स्वास्थ्य उपचार तत्काल तदारुकताका साथ उचित व्यवस्था गर्न आग्रह गर्दछु।'
उनले इजरायल र हमासबीचको द्वन्द्व लम्बिन सक्ने भन्दै त्यहाँ रहेका सम्पूर्ण नेपालीको सुरक्षाका लागि सरकारले गम्भीरताका साथ ध्यान दिन आग्रह गरे।
इजरायल र हमासबीचको आक्रमणबाट ३ नेपाली घाइते भएको र १२ जना सम्पर्कविहीन भएको परराष्ट्रमन्त्रालयले जनाएको छ।
प्रतिक्रिया दिनुहोस !
