स्याङ्जा : कालीगण्डकीमा राष्ट्रपति रनिङ शिल्ड प्रतियोगिता सुरु भएको छ। जिल्लाको कालीगण्डकी गाउँपालिकामा राष्ट्रपति रनिङ शिल्ड अन्तर विद्यालय खेलकुद प्रतियोगिता बिहीबारदेखि सुरु भएको हो।
प्रतियोगितामा एक दर्जन खेल समावेश गरिएका छन्। यी सबै प्रतियोगितामा छात्र, छात्रा दुवैको प्रतिस्पर्धा हुनेछ।
भलिबल, एथेलेटिक्स अन्तर्गतका दौडहरू, हाइजम्प, लङ्जम्प, कबड्डी लगायतमा छात्र छात्रा दुवैतर्फका छुट्टाछुट्टै प्रतियोगिता गरिएको गाउपालिकाका अध्यक्ष खिम थापाले जानकारी दिए।
प्रतियोगितामा गाउँपालिकाका १३ वटा विद्यालयका ४ सय ९७ जना बालबालिका विभिन्न खेलकुदमा प्रतिस्पर्धा गर्ने भएका छन्।
प्रतिक्रिया दिनुहोस !
