स्याङ्जा : स्याङ्जामा लागूऔषधसहित एक जना पक्राउ परेका छन्। पक्राउ पर्नेमा अजुनचौपारी गाउँपालिका-१ का २८ वर्षीय दिलबहादुर क्षेत्री रहेका छन्।
उनले आफ्नै घरमा लुकाएर राखेको अवस्थामा फेनेरागन नामक २ एमएलको ४२ एम्पुल, आइपीपीएल ३८ एम्पुल, डाइजेपाम २९ एम्पुलसहित उनलाई पक्राउ गरेको प्रहरी नायब उपरीक्षक इन्द्रबहादुर रानाले जानकारी दिए।
गोप्य सूचनाका आधारमा जिल्ला प्रहरी र प्रहरी चौकी अर्जुनचौपारीबाट खटिएको प्रहरी टोलीले चेकजाँच गर्ने क्रममा कुल १ सय ९ एम्पुल लागूऔषध बरामद गरेको छ। क्षेत्रीलाई जिल्ला अदालत स्याङ्जाबाट मंगलबार म्याद थप गरेर अनुसन्धान अघि बढाइएको छ।
प्रतिक्रिया दिनुहोस !
