सामाजिक सञ्जालमार्फत महिलाको चरित्र हत्या गर्ने अभियुक्त पक्राउ
मंसिर २१, २०८० बिहीबार १७:१३:१०
काठमाडौं : सामाजिक सञ्जालमार्फत् महिलाको चरित्र हत्या गर्ने अभियुक्त पक्राउ परेका छन्। पक्राउ पर्नेमा चितवन रत्ननगर नगरपालिका १० घर भइ हाल काठमाडौंमा बस्ने ४२ वर्षीय चतुर्मान महतो हुन्।
उनमाथि सामाजिक सञ्जालमार्फत् चिनजान गरी भेटघाटको क्रममा लिइएका तस्बिर तथा श्रव्य-दृश्य सम्पादन गरी मेसेजिङ एपमार्फत् पठाइ चरित्रहत्या गर्न खोजेको आरोप छ।
महतोलाई विद्युतीय कारोबार ऐन २०६३, अपराध अन्तर्गतको कसूरमा पक्राउ गरी थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
