प्यालेस्टाइनलाई हराउँदै नेपाल बन्यो समुह विजेता

साउदी : वाफ महिला च्याम्पियनसिप अन्तर्गत समूह चरणको तेस्रो खेलमा नेपालले प्यालेस्टाइनलाई ४-० गोलको  अन्तरले जितेको छ । २४  फरवरि २०२३ साउदीको जेद्दा शहरमा भएको खेलमा सावित्रा भण्डारी(साम्बा)ले ४१ औं मिनेटमा गोल गर्दै नेपाललाई  पहिलो अग्रता दिलाएकी थिइन्।

दोस्रो हाफको खेलमा नेपालले प्यालेस्टाइनलाई दवाबमा राख्दै थप ३ गोल गरेको थियो ।  खेलको ५९ औ मिनेटमा दोस्रो गोल ,तेस्रो गोल ७८औं मिनेटमा भने चौथो गोल ९६औं मिनेटमा गरेको थियो। जसका लागि साबित्रा भण्डारी (साम्बा) ले २ गोल तथा  रेखा  पौडेल ,गीता  राणाले १/१ गोल गरेका थिए ।  

नेपाल यो जितसँगै वाफ च्याम्पियनशिपको सेमिफाइनलमा पुगेको छ। यसअघि पनि  नेपालले सुरुवाती खेलमा सिरयालाई  ४-१ र ईराकलाई ५-० को अन्तरले पराजित गरेको थियो। नेपालको समूहमा इराक, सिरिया र प्यालेस्टाइन रहेका थिए। यो खेलसंगै नेपाल समुह विजेता बनेको छ भने आगामी दिनमा हुने सेमिफाइनलको लागि समुह ए को उपबिजेता लेवलानसंग खेल्ने छ ।