काठमाडौं : रामेछापको खाँडादेवी गाउँपालिका-९ पिङ्खुरी वरबोटमा सुमो दुर्घटना हुँदा ३ जना घाइते भएका छन्। आज बिहान पिङ्खुरीबाट काठमाडौं जाँदै गरेको ना.१ ज.५६२६ नं.को सुमो दुर्घटना हुँदा ३ जना घाइते भएको जिल्ला प्रहरी कार्यालय रामेछापले जनाएको छ।
प्रहरीका अनुसार दुर्घटना रामेछाप खाडादेवी गाउँपालिका-९ पिङ्खुरीका २४ वर्षीय दीपेन्द्र भण्डारी,१६ वर्षीया एलिशा भण्डारी र १४ वर्षीया यमुना भण्डारी घाइते भएका हुन्। उनीहरुलाई स्थानीय मेडिकलमा सामान्य उपचार पश्चात थप उपचारको लागि काठमाडौं उपत्यका ल्याइएको छ।
प्रहरीले २२ वर्षीय सुमो चालक विष्णु भण्डारीलाई नियन्त्रणमा लिएर थप अनुसन्धान गरिरहेको छ।
प्रतिक्रिया दिनुहोस !
