ढल्केवर(धनुषा) : हमास समूहबाट मारिएका धनुषाका आनन्द साहको परिवारलाई मधेश सरकारले पाँच लाख सहयोग गरेको छ । गत असोज २० गते इजरायलमा चरमपन्थी समूह हमासको आक्रमणमा परी मृत्यु भएका धनुषाको लक्ष्मीनिया गाउँपालिका–४ सपहीका २२ वर्षीय साहको परिवारलाई राहतस्वरुप प्रदेश सरकारले पाँच लाख रुपैयाँ सहयोग गरेको हो ।
मधेश सरकारबाट घोषणा भएअनुरुप मुख्यमन्त्री सरोज कुमार यादवले शुक्रबार मृतक साहका बुवा सोमन साहलाई पाँचलाख बराबरको चेक हस्तान्तरण गरेका हुन् । जनकपुरकै मिट कलेजबाट आइएससी उत्तीर्ण गरेका साह सुदूरपश्चिम विश्वविद्यालयअन्तर्गत टीकापुर मल्टिपल क्याम्पस कैलालीमा कृषि विषयमा स्नातक पढेका थिए ।
अन्तिम वर्षको पढाइ सकिएपछि कलेजले नै अभ्यासका लागि इजरायल पठाएको थियो । उक्त आक्रमणबाट साहसहित अध्ययन भ्रमणमा रहेका १० जना नेपाली विद्यार्थीको ज्यान गएको थियो ।
प्रतिक्रिया दिनुहोस !
