चुनौतिप्रति निराशा व्यक्त गर्नेहरू केहि गर्न सक्दैनन् : माधव नेपाल
वैशाख २८, २०८१ शुक्रबार १३:१०:३
काठमाडौं : नेकपा एकीकृत समाजवादीका अध्यक्ष माधव कुमार नेपालले विभिन्न घटनाक्रममा देखिने चुनौतिको सामना गर्दै अघि बढ्नुपर्ने बताएका छन्।
पशुपति चौलागाईको तेस्रो वार्षिक पुण्यतिथिको अवसरमा काठमाडौंमा आयोजित एक कार्यक्रममा अध्यक्ष नेपालले विभिन्न चुनौतिहरूलाई सामना गर्न अघि बढ्नुपर्ने भन्दै चुनौतिहरूप्रति निराशा व्यक्त गर्नेहरूले केहि गर्न नसक्ने बताएका हुन्।
उनले कम्युनिष्ट क्रान्तिकारीहरू जीवनका घटनाक्रमप्रति चिन्तित हुन नहुने बताए । उनले समाजवादको सिद्धान्तलाई अवलम्वन गरेकाहरूले उत्पादनसँग जोडिनुपर्ने बताए। कृषि उत्पादन,लगानीका अन्य विषय, जलविधुत लगायतका क्षेत्रमा युवाहरू क्रियाशिल हुनुपर्ने उनको भनाइ छ ।
प्रतिक्रिया दिनुहोस !
