मुगु : जिल्लाको पश्चिम क्षेत्रमा पर्ने खत्याड गाउँपालिकाको पाँचवटा गाउँमा बुधबार परेको असिनाले फलफूल, अन्नबालीको तथा तरकारीमा क्षति पुगेको छ।
बुधबार दिउँसो परेको असिनाले खत्याड गाउँपालिका-३ रोल, शैना सोही गाउँपालिका-२ को जोखिलेख, वमकाँडा र तर्मामा किसानले लगाएका फलफूल, अन्नबाली तरकारी बालीमा क्षति पुगेको गाउँपालिका विपद् व्यवस्थापन शाखा प्रमुख कुलबहादुर शाहीले जानकारी दिए।
असिनाले पुर्याएको क्षतिको विवरण प्रहरीको मुचुल्का र प्रतिवेदनपछि जानकारी आउने खत्याड गाउँपालिका कार्यवाहक अध्यक्ष सरिता रोकायाले बताइन्। राहतका लागि कार्यपालिका बैठक बसेर निर्णय गरिने रोकायाले बताइन्।
प्रतिक्रिया दिनुहोस !
