जोमसोम : मुस्ताङमा मोटरसाइकल दुर्घटनामा घाइते भएका एक युवकको मृत्यु भएको छ। पोखराको मणिपाल अस्पतालमा उपचारका क्रमम ती युवकको मृत्यु भएको प्रहरीले जानकारी दिएको छ।
मृत्यु हुनेमा पोखरा महानगरपालिका-११ काउडाँडाका १८ वर्षीय शुभम बराल छन्। बेनी-जोमसोम सडकखण्डअन्तर्गत मुस्ताङको थासाङ गाउँपालिका-३ कालोपानी हुँदै लेतेतर्फ जाँदै गरेको ग १५ प नम्बरको मोटरसाइकल अनियन्त्रित भई दुर्घटना भएको थियो।
४ दिन अघि मुस्ताङ घुम्न आएका उनी सवार मोटरसाइकल मंगलबार दिउँसो घर फर्किने क्रममा दुर्घटना भएको मुस्ताङका डीएसपी भोजराज पाण्डेयले जानकारी दिए। उनका अनुसार चालकले सन्तुलन गुमाउँदा मोटरसाइकल सडकको बाँयातर्फ नालीमा पल्टिएको थियो।
प्रतिक्रिया दिनुहोस !
