विद्युतको तार मर्मत गर्ने क्रममा भर्याङबाट खसेर प्राधिकरणका कर्मचारीको मृत्यु
साउन १, २०८१ मंगलबार १९:२२:४१
वीरगन्ज : वीरगन्जमा विद्युतको तार मर्मत गर्ने क्रममा भर्याङबाट खसेर विद्युत प्राधिकरणका एक कर्मचारीको मृत्यु भएको छ।
मृत्यु हुनेमा नेपाल विद्युत प्राधिकरण वीरगन्ज वितरण केन्द्रका प्राविधिक वीरगन्ज महानगरपालिका-२५ निवासी ५३ वर्षीय रामबाबु चौधरी मलाह रहेका छन्।
वडा प्रहरी कार्यालय विर्ताका प्रहरी निरीक्षक धर्मराज थिङका अनुसार सोमबार बेलुकी ८ बजेतिर वीरगन्ज-१२ मुर्लीमा भर्याङको मद्दतले विद्युतको पोलमा चढेर विद्युत मर्मत गरेर तल झर्ने क्रममा मलाह खसेर भुइँमा बजारिएका थिए। गम्भीर घाइते मलाहलाई उपचारका लागि नारायणी बयोधा अस्पताल लगिएकोमा बेलुकी ८:४० मा चिकित्सकले मृत घोषित गरेको प्रहरी निरीक्षक थिङले जानकारी दिए।
पोस्टमार्टमपछि शव मृतकका आफन्तले बुझेर लगिसकेको थिङले जानकारी दिए।
प्रतिक्रिया दिनुहोस !
