गुलरिया : सशस्त्र प्रहरीले बर्दियाको बढैयाताल गाउँपालिका-२ स्थित फुटाहामा भारतबाट नेपालतर्फ ल्याउँदै गरेको अवस्थामा लागुऔषध ब्राउन सुगरसहित युवकलाई पक्राउ गरेको छ। बाँकेको कोहलपुर नगरपालिका-११ का २१ वर्षीय प्रकाश चौधरीलाई नियन्त्रणमा लिएको हो
उनको साथबाट अन्दाजी ६ ग्राम ब्राउनसुगर, सामसुङ मोवाई १ थान, सोही कम्पनीको ट्याब १ थान र नेपाली रुपैयाँ ३ सय ५० बरामद गरिएको सशस्त्र प्रहरी बल नेपाल ३१ नम्बर हेडक्वाटर बर्दियाका गणपति प्रहरी उपरीक्षक चित्रांगत दाहालले जानकारी दिए।
सशस्त्र प्रहरीले दुई दिन अघि सोही इलाकाबाट बाँकेस्थित खजुराका २४ वर्षीय गणेश परियारलाई ४ सय १० मिलिग्राम र असार ३१ गते गणेशपुर इलाकाबाट बाँसगढी नगरपालिकाका अबराज खा र सिजन पौडेललाई ६ सय ७० मिलिग्राम लागुऔषध ब्राउन सुगरसहित पक्राउ गरेको थियो।
प्रतिक्रिया दिनुहोस !
