धनुषा : धनुषामा कमला नदीमा फसेका तीन जनालाई सकुशल उद्धार गरिएको छ। धनुषाको सबैला नगरपालिका-१३ किरतपुरस्थित कमला नदीमा फसेका तीन जनाको प्रहरीले सकुशल उद्धार गरेको हो।
उद्धार गणिकाहरूमा सोही ठाउँ बस्ने १७ वर्षीय राजेश यादव, ४० वर्षीय नथुनी यादव र शिवराम साफी रहेको इलाका प्रहरी कार्यालय सबैलाका प्रहरी निरीक्षक सुन्दर चौलागाइले जानकारी दिए।
उनका अनुसार बुधबार बिहान दाउरा लिन गएको अवस्थामा एक्कासि पानीको बहाब बढेपछि उनीहरू नदीको बीच भागमा फसेका थिए।
सशस्त्र प्रहरी वेस क्याम्प रघुनाथपुर र सबैला नगरपालिकाबाट खटिएका नगर प्रहरीको सहयोगमा उनीहरुलाई उद्धार गरिएको प्रहरी निरीक्षक चौलागाइले बताए। लाइफ ज्याकेट, ट्युब र डोरीको सहायताले उद्धार गर्न प्रहरी सफल भएको उनको भनाइ छ।
प्रतिक्रिया दिनुहोस !
