दाङ : दाङमा शुक्रबार खोलाले अटोरिक्सा बगाउँदा बेपत्ता भएकी एक महिला मृत फेला परेकी छन्। तुलसीपुर ४ बेतनी खोलाले बगाएर बेपत्ता भएकी तुलसीपुर ४ निवासी ५५ वर्षीया सीता आले मृत भेटिएकी हुन्। उनको शव शनिबार ग्वारखोलामा भेटिएको हो।
शुक्रबार राति सवा ८ बजेतिर तुलसीपुरबाट खाद्रै जाँदै गरेको रा ह ६४०५५ नम्बरको अटो रिक्सालाई तुलसीपुर ४ स्थित बेतनी खोलाले बगाएको थियो। खोलाले बगाउँदा तुलसीपुर ४ खाद्रे निवासी ५५ वर्षीया सीता आले र सुर्खेत घर भइ सोही ठाउँ बस्ने १६ वर्षीया मन्जु खड्का बेपत्ता भएका थिए।
खड्काको अवस्था भने अहिलेसम्म अज्ञात रहेको छ। उनको खोजी कार्य भइरहेको छ।
अटोमा ५ जना सवार थिए। चालक तुलसीपुर ४ खाद्रे निवासी ४५ वर्षीय हरीकिशन बिक, ३३ वर्षीया सुनिता थापा र ७ वर्षीया सुशान्त आलेलाई शुक्रबार नै शकुशल उद्धार गरिएको थियो।
प्रतिक्रिया दिनुहोस !
