नुवाकोट : नुवाकोटको प्रसिद्ध साततले दरबार राष्ट्रिय संग्रहालयको चिनियाँ प्राविधिक टोलीले स्थलगत अवलोकन गरेका छन्। भूकम्पले क्षति गरेको दरबारको आइतबार चिनियाँ प्राविधिको टोलीले निरीक्षण गरेको
विदुर नगरपालिका-२ नुवाकोट टाकुरोमा रहेको साततले दरबार राष्ट्रिय संग्रहालय मर्मत नुहुँदा जीर्ण हुँदै गएको छ। चिनियाँ पक्षले पुनर्निर्माण सुरु गरिने बताएका छन्।
पुनर्निर्माणका लागि विदुर नगरपालिकाका मेयर राजन श्रेष्ठ र चिनियाँ प्राविधिक टोलीका प्रतिनिधिले संयुक्त रूपमा स्थलगत अवलोकन गरेका हुन्।
दरबार मर्मतका लागि नगरपालिकाले खानेपानी, बिजुली, सडक र खाली जग्गा व्यवस्थापन गर्ने र चिनियाँ पक्षले काम सुरुवात गर्ने सहमति भएको मेयर श्रेष्ठले बताए।
आवश्यक भौतिक कार्यको व्यवस्थापनपछि मर्मत तथा पुनर्निर्माण सुरु गरिने चिनियाँ पक्षले प्रतिबद्धता जनाएको छ।
प्रतिक्रिया दिनुहोस !
