कांग्रेसले नाम दिने बित्तिकै सरकार विस्तार हुन्छ : मुख्यमन्त्री कार्की
साउन २७, २०८१ आइतबार १९:४४:४७
मुख्यमन्त्री कार्कीले एक साताभित्र प्रदेश सभाको बैठक आव्हान गरिने बताए।
विराटनगर : कोशी प्रदेशका मुख्यमन्त्री हिक्मतकुमार कार्कीले नेपाली कांग्रेसले नाम दिने बित्तिकै कोशी प्रदेश सरकार विस्तार गरिने बताएका छन्।आइतबार विराटनगरस्थित मुख्यमन्त्री तथा मन्त्रिपरिषद कार्यालयमा पत्रकारसँगको भेटमा मुख्यमन्त्री कार्कीले प्रदेश मन्त्रालयहरुको संख्या ९ बाट नबढाइने समेत बताए ।
उनले प्रदेश संरचनालाई स्थापित गर्ने र प्रदेश चाहिन्छ भन्ने मान्यता प्रति विश्वास दिलाउने गरी प्रदेश सरकारले काम गरिरहेको जानकारी दिए । प्रदेश सरकारले चालू आर्थिक वर्षा चिया सम्मेलन, पर्यटन सम्मेलन र लगानी सम्मेलन आयोजना गरेर प्रदेशको आर्थिक गतिविधि बढाउने गरी कार्यक्रम ल्याउन लागेको उनले बताए।
मुख्यमन्त्री कार्कीले एक साताभित्र प्रदेश सभाको बैठक आव्हान गरिने बताउँदै दशैं अगाडिसम्म ६/७ वटा विधेयकहरु पारित गर्ने योजना रहेको जानकारी दिए ।
प्रतिक्रिया दिनुहोस !
