काठमाडौं : राजधानीमा जारी एन्फा महिला लिगमा शुक्रबार संकटा क्लब र चन्द्रपुर नगरपालिकाले बराबरी खेल्दै अंक बाँडेका छन्।
एन्फा कम्प्लेक्स सातदोबाटोमा भएको खेलमा संकटार र चन्द्रपुरले गोलरहित बराबरी खेलेका हुन्। खेलमा दुवै टोलीले गोल गर्ने अवसर पाएपनि सदुपयोग भने गर्न सकेनन्।
पहिलो राउन्डको खेलमा संकटालाई त्रिभुवन आर्मी फुटबल क्लबले पराजित गरेको थियो। चन्द्रपुर भने कर्णाली प्रदेशसँग बराबरीमा रोकिएको थियो।
बराबरीसँगै दुवै टोली १–१ अंक बाड्न बाध्य भएका छन्। अखिल नेपाल फुटबल संघ (एन्फा)को आयोजनामा जारी लिगमा १० टोलीको सहभागिता रहेको छ। पहिलो चरणमा सबै टोलीले एकअर्काको सामना गर्नेछन्।
प्रतिक्रिया दिनुहोस !
