काठमाडौं : केन्याको एक स्कुलमा आगलागी हुँदा १७ जना विद्यार्थीको मृत्यु भएको छ। बिहीबार राति न्यरी काउन्टीस्थित हिलसाइड एन्डराशा प्राइमरी स्कुलमा आगलागी हुँदा कम्तिमा १७ जना विद्यार्थीको मृत्यु भएको प्रहरीलाई उद्धृत गर्दै बीबीसीले जनाएको छ।
आगलागीमा परेर धेरै बालबालिकाहरू गम्भीर घाइते बनेको एजेन्सीहरूले उल्लेख गरेका छन्। ६ देखि १४ वर्षका बालबालिकाहरू पढ्ने उक्त स्कुलमा ८ सय विद्यार्थीहरू रहेको बताइएको छ।
प्रहरीले घटनाको छानबिन सुरू गरेको छ। केन्याका राष्ट्रपति विलियम रुटोले पनि घटनालाई विनाशकारी रहेको बताएका छन्। उनले घटनाको छानबिन गर्न आदेशसमेत दिएको छ। दोषीहरूलाई कुनै हालतमा नछोड्ने राष्ट्रपतिले उल्लेख गरेका छन्। प्रत्यक्षदर्शीका अनुसार शवहरू पहिचान नै नहुनेगरी जलेका छन्।
प्रतिक्रिया दिनुहोस !
