लेबनानमा बढ्दो द्वन्द्व कम गर्न अमेरिका र ईयूद्वारा २१ दिने युद्धविरामको प्रस्ताव
असोज १०, २०८१ बिहीबार ९:४१:२
इजरायल र हिजबुल्लाहबीच बढ्दो द्वन्द्वलाई ध्यानमा राख्दै अमेरिका, युरोपेली युनियन (इयु) र सहयोगी राष्ट्रहरूले तत्काल २१ दिने युद्धविरामको प्रस्ताव गरेका छन् ।
११ सहयोगी राष्ट्रहरूले यस समस्याको समाधान खोज्न र गाजामा युद्धविराम गर्न प्रस्ताव गरेका छन्।
अमेरिका, ईयू र सहयोगी राष्ट्रहरूले आफ्नो संयुक्त विज्ञप्तिमा यी देशहरू (इजरायल, लेबनान, प्यालेस्टाइन) बीचको दुश्मनी अहिले असह्य भएको बताएका छन् ।
यसले सम्पूर्ण क्षेत्रमा युद्धको खतरा बढेको छ । यो लेबनान र इजरायली जनताको हितमा पनि छैन।
युद्धविरामको यो प्रस्ताव इजरायली सेना प्रमुखले हवाई हमलापछि इजरायलले लेबनानमा रहेको हिजबुल्लाहका लक्ष्यहरूमा भूमिबाट आक्रमणको तयारी गरिरहेको घोषणापछि गरिएको हो।
इजरायलले विगत तीन दिनदेखि लेबनानमा रहेको हिजबुल्लाहको लक्ष्यमा हवाई आक्रमण गरिरहेको छ । हिजबुल्लाहले पनि जवाफी कारबाही गरेको छ । लेबनानको स्वास्थ्य मन्त्रालयका अनुसार इजरायली आक्रमणमा हालसम्म करिब ५०० जनाको मृत्यु भइसकेको छ । बीबीसी
प्रतिक्रिया दिनुहोस !
