काठमाडौं : प्रधानमन्त्री केपी शर्मा ओलीले बुबा मोहनप्रसाद ओलीको हातबाट दशैंको टीका ग्रहण गरेका छन्। आज बिहान शुभ साइतमा प्रधानमन्त्री ओलीलाई बुबाले बालुवाटारस्थित निवासमै पुगेर टीका लगाइदिएका हुन्।
प्रधानमन्त्री ओलीले परिवारका सदस्यहरुसँगबाहेक यसपटक टीका लगाउने कार्यक्रम नराखेको शुक्रबार नै जानकारी गराएका छन्।
राष्ट्रपति रामचन्द्र पौडेलले भने दिउँसो ३:३० देखि साँझ ५ बजेसम्म विजया दशमीको टीका राष्ट्रपति भवन शीतल निवासमा सर्वसाधारणलाई टीका तथा जमरा लगाइदिने भएका छन्।
प्रतिक्रिया दिनुहोस !
