काठमाडौं : नेपाल प्रिमियर लिग(एनपीएल) को उद्घाटन खेलमा विराटनगरका ओपनर मार्टिन गप्टेलले अर्धशतक प्रहार गरेका छन् । शनिबार कीर्तिपुरस्थित त्रिवी मैदानमा भएको खेलमा टस हारेर ब्याटिङको निम्तो पाएको विराटनगरका लागि ३६ बलमा ७ चौका र १ छक्का सहित अर्धशतक पूरा गरेका हुन् ।
उनले १३ ओभरको पहिलो बलमा बेन माइकलाई छक्का प्रहार गर्दै अर्धशतक पूरा गरेका हुन् । विराटनगरले पावरप्लेमा एक विकेट गुमाउँदै ३८ रन बनाएको थियो ।
ओपनर लोकेश बमले ५ रन बनाएर ललित राजवंशीको बलमा बोल्ड आउट भएका थिए ।
दोस्रो विकेटका रुपमा विराटनगरले अकिव इलियासलाई गुमायो । उनले १८ बलमा १ चौकासहित १५ रन बनाएर एलबीडब्ल्यु आउट भए । उनलाई मोहम्मद मोसिनले एलबीडब्ल्यु आउट गरे ।
तेस्रो विकेटको रुपमा विराटनगरले निकोलस क्रिकोटनलाई हर्ष थाकरले बोल्ड गरे । उनी १३ बलमा ९ रन हानेर पेभेलियन फर्किए ।
प्रतिक्रिया दिनुहोस !
