सम्पादक भण्डारीलाई लालबन्दी वाङ्मय परिषद भाषा तथा साहित्य पुरस्कार
मंसिर १५, २०८१ शनिबार १४:२१:४०
मलंगवा : लालबन्दी नगर वाङ्मय परिषद लालबन्दी सर्लाहीले बर्सेनि प्रदान गर्दै आएको ‘लालबन्दी नगर वाङ्मय परिषद् भाषा तथा साहित्य पुरस्कार यस वर्ष अन्नपूर्ण पोस्ट दैनिकका प्रधान सम्पादक अखण्ड भण्डारीलाई प्रदान गरिएको छ।
लालबन्दीमा आयोजना गरिएको पुरस्कार वितरण कार्यक्रममा भण्डारीद्वारा लिखित बोरा उपन्यासलाई यस वर्षको उत्कृष्ट पुरस्कार प्रदान गरिएका हो। भण्डारीलाई नेपाल प्रज्ञा प्रतिष्ठानका कुलपति भुपाल राई सहित लालबन्दी नगरप्रमुख बासुदेव अधिकारी र प्रमुख प्रशासकीय अधिकृत वसन्त न्यौपानेले संयुक्त रूपमा नगद ५० हजार रुपैयाँसहित सम्मान पत्र–प्रदान गरेका छन्।
त्यसैगरी कार्यक्रममा साहित्यिक सहिद कृष्णलाल अधिकारी स्मृति पुरस्कार रोचक घिमेरी तथा स्थानीय प्रतिभा पुरस्कार शंकर श्रेष्ठलाई प्रदान गरिएको छ।
प्रतिक्रिया दिनुहोस !
