काठमाडौं : देशका विभिन्न स्थानमा ४ जनाको शव फेला परेको छ। गोरखाको बारपाक सुलिकोट गाउँपालिका-२ बारपाक बस्ने ७१ वर्षीय गुन बहादुर घले सोही ठाउँस्थित बाँसको झ्याङ नजिकै मंगलबार मृत अवस्थामा फेला परेका छन्।
इलामको सूर्योदय नगरपालिका-१० फिक्कल बजार डेरा गरी बस्ने स्याङ्जा वालिङ घर भएका ५० वर्षीय अमृत ढुंगाना आफ्नै कोठामा मंगलबार मृत अवस्थामा फेला परेका छन्।
काठमाडौं महानगरपालिका-८ पशुपति बनकाली पार्किङ नजिकै हाल वतन नखुलेका अन्दाजी ३५ वर्षीय इन्द्र बहादुर घले नाम बताउने पुरुष मंगलबार मृत अवस्थामा फेला परेका छन्।
पोखरा महानगरपालिका-२६ भगवती हाइड्रोपावरको ड्याममा हाल नाम, थर, वतन नखुलेका अन्दाजी ६० वर्षीय पुरुष मंगलबार मृत अवस्थामा फेला परेका छन्। यस सम्बन्धमा प्रहरीले आवश्यक अनुसन्धान गरिरहेको छ।
प्रतिक्रिया दिनुहोस !
