हमासले सार्वजनिक गर्‍यो आज रिहा गर्ने चार महिला बन्धकको नाम

हमासले सार्वजनिक गर्‍यो आज रिहा गर्ने चार महिला बन्धकको नाम
सुन्नुहोस्

हमासले गाजा युद्धविराम सम्झौता अन्तर्गत रिहा गरिने इजरायली बन्धकहरूको दोस्रो सूची जारी गरेको छ।

शनिबार भएको युद्धविराम सम्झौताको एक भागको रूपमा हमासले चार इजरायली बन्धकहरूलाई रिहा गर्न सहमत भएको हो। हमासले यी चार बन्धकहरूको नाम पनि खुलासा गरेको छ।

हमासले चार जना इजरायली सैनिकको नाम करिना एरिभ, डेनिएला गिल्बोआ, लेवी र लिरी अल्बाग भएको जनाएको छ।

यी चार इजरायली सैनिकहरूलाई १८० प्यालेस्टिनी कैदीहरूको बदलामा रिहा गरिंदै छ।

गत आइतबार लागू भएको गाजा युद्धविराम सम्झौता अन्तर्गत बन्धक र कैदीहरू आदानप्रदान हुन लागेको यो दोस्रो पटक हो।

पहिलो आदानप्रदानको क्रममा हमासले ९० प्यालेस्टिनी कैदीहरूको बदलामा तीन बन्धकहरूलाई रिहा गरेको थियो।

अक्टोबर ७ २०२३ मा इजरायलमा हमासले आक्रमण गरेको थियो। जसमा १२०० इजरायली नागरिक मारिए। यस आक्रमणमा २५१ इजरायली जनतालाई हमासले बन्धक बनाएको थियो।

हमासद्वारा सञ्चालित स्वास्थ्य मन्त्रालयका अनुसार हमासको आक्रमणपछि इजरायली प्रतिशोधमा ४७,२०० प्यालेस्टिनीको मृत्यु भएको छ। बीबीसी


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.