संघीय संसदको हिउँदे अधिवेशन शुक्रबार सुरु भयो । जहाँ सरकारले हालै ल्याएका ६ वटा अध्यादेश पहिलो दिन नै पेस ग¥यो । जुन संवैधानिक व्यवस्थाअनुसार अपरिहार्य थियो । संसद् सुरु हुनुअघि विपक्षी दलहरूले अवरोध गर्न सक्ने जुन भयो थियो, त्योचाहिँ भएन । बरु सत्ता र विपक्ष दुई कित्तामा उभिए, जसलाई अस्वाभाविक भनिहाल्न मिल्दैन ।
स्वाभाविक रूपमा सरकारले अध्यादेशको आवश्यकता औचित्य पुष्टि गर्ने प्रयत्न ग¥यो, विपक्षी दलहरूले त्यसको आलोचना गरे । संसद् बहस, छलफलको थलो जो हो, सोही अनुसारका गतिविधि देखिए ।
संघीय लोकतान्त्रिक प्रणालीमा संसद्् नीति निर्माणको प्रमुख थलो हो । संसद््को मूलभूत भूमिका विधेयक पारित गर्ने, सरकारलाई जवाफदेही बनाउने र जनताको आवाज प्रतिनिधित्व गर्ने हो । पछिल्ला केही वर्षयता संसद््को प्रभावकारिता खस्कँदै गएको देखिन्छ । जसलाई सरकारले अध्यादेश ल्याएर झन् मलजल गरेकै हो । संसद्मा अहिले २० वटा जति विधेयक विचाराधीन छन् । हिउँदे अधिवेशन भनेको कानुन निर्माण गर्ने अर्थात् विधेयक अधिवेशन पनि हो । तसर्थ, सरकारले विपक्षहरूसँग पनि हातेमालो गर्दै र विश्वासमा लिएर फटाफट कानुन निर्माणलाई अघि बढाउनुपर्छ । यसै पनि अध्यादेशमार्फत ल्याएका कानुन पनि पारित गर्नु नै छ । त्यसमाथि लामो समयदेखि गिजोलिएर बसेका संघीय निजामती र प्रहरी कानुन अनि शिक्षासम्बन्धी कानुनको पर्खाइ छ । ती कानुनको अभावमा शिक्षा क्षेत्र अन्योलग्रस्त बनेको छ । प्रहरी र निजामती ऐन नआउँदा संघीयता कार्यान्वयन अझ मजबुद हुन सकेको छैन ।
विचाराधीन विधेयकहरू पारित भएमा नागरिकका विभिन्न क्षेत्रमा प्रभावकारी सुधार ल्याउन सकिन्छ । तर, संसद्मा सत्ता र विपक्षी दलहरूले गम्भीरतापूर्वक बहस, छलफल गर्नुपर्छ । विपक्षीले पनि विरोधका लागि विरोध गर्नुहुँदैन । दलीय नेताहरूले परिपक्व व्यवहार देखाउनुपर्छ । सरकार पनि विवेकशील बन्नुपर्छ । विधेयकहरू अध्यादेशको सट्टा विधिवत रूपमा संसद्मै छलफल गरेर पारित गरिनुपर्छ । प्रतिपक्षले पनि अवरोधको रणनीतिभन्दा संवादको बाटो रोज्नुपर्छ । संसद््को गरिमा जोगाउनु दुवै पक्षको समान जिम्मेवारी हो । लोकतन्त्र संवादमा विश्वास गर्ने प्रणाली हो । संसद््को मूल उद्देश्य नीति निर्माण र विधेयक पारित गर्नु हो । त्यसका लागि सत्तापक्ष र प्रतिपक्षबीच न्यूनतम सहमति आवश्यक हुन्छ । यो अधिवेशनमा मुलुकले त्यही सहमतिको अपेक्षा गरेको छ । किचलो, झैझगडा र अनावश्यक विवादहरूले नागरिकमा व्याप्त नैराश्यतालाई थप बढावा दिन्छ ।
प्रतिक्रिया दिनुहोस !
