पूर्वराजा ज्ञानेन्द्र परिवारसहित तनहुँमा
दमौलीः पूर्वराजा ज्ञानेन्द्र शाह परिवारसहित तनहुँ आएका छन् । बुहारी हिमानी र नाती नातिनाको साथमा पूर्वराजा ज्ञानेन्द्र शुक्रबार तनहुँ आएका हुन् । नाति नातिनासँगै ज्ञानेन्द्र शुक्रबारदेखि आँबुखैरेनीको ‘होटल डु मुग्लिङ'मा बसेको जिल्ला प्रहरी कार्यालय तनहुँले जनाएको छ ।
पूर्वयुवराज्ञी हिमानी बिहीबारै तनहुँ आए पनि पूर्वराजा ज्ञानेन्द्र भने शुक्रबार मुग्लिङ आएका थिए । पूर्वराजा नातीनातिनासँग समय बिताउन समय मिलाएर तनहुँ आउने गरेका छन् ।
यसअघि त्रिशुलीको र्याफ्टिङमा समेत सहभागी भएका ज्ञानेन्द्र यसपटक भने कुनै कार्यक्रममा सहभागी भएका छैनन् । ज्ञानेन्द्रले कुनै कार्यक्रममा सहभागी हुने सूचना नआएको ईलाका प्रहरी कार्यालय आँबुखैरेनीका प्रमुख प्रहरी निरीक्षक लेमप्रताप सेनले बताए ।
प्रतिक्रिया दिनुहोस !
