ओलीको समर्थनमा माइतीघरमा यस्तो प्रदर्शन( फोटो फिचर)
काठमाडौँ: प्रधानमन्त्री केपी शर्मा ओलीको समर्थनमा शुक्रबार माइतीघर मण्डलमा स्वतःस्फुर्त रुपमा प्रदर्शन गरिएको छ।
स्वतन्त्र युवा अभियानले प्रधानमन्त्री ओलीविरुद्ध संसद् अविश्वासको प्रस्ताव दर्ता भएपछि प्रदर्शन कार्यक्रम आयोजना गरेको अभियान सहभागि असीम तिमिल्सिनाले अन्नपूर्णलाई जानकारी दिए। उनले भने, 'प्रधानमन्त्री ओलीले राष्ट्रिय स्वाभिमान जोगाउन काम गरेकाले उहाँको समर्थनमा प्रदर्शन गरेका हौ।'
प्रदर्शनमा आएका ओलीका समर्थकहरुले राष्ट्रियता बेच्न पाइँदैन, नयाँ सरकार चाहिँदैन, हाम्रो देश हाम्रो बोली #IAmwithKPOLI' देशमा अहिले तिम्रो आवश्यकता छ, जनता तिम्रो साथमा छ, म केपी ओलीको साथमा छु, न कसैको अभावमा बाँच्छ न भारतको प्रभावमा बाँच्छ।'
अभियानमा समर्थन जनाउन आएका हास्यकलाकार राजाराजेन्द्र पोखरेलले प्रधानमन्त्री ओलीले देशको स्वाभिमान जोगाएकाले उनको समर्थन गरिएको बताए।
प्रदर्शनमा प्रधानमन्त्री ओलीको समर्थनमा गीत र कविता प्रस्तुत गरिएको थियो। प्रदर्शनमा अनेरास्ववियूका युवा नेता कार्यकर्ता समेत सहभागी थिए। हेरौ फोटो पत्रकार दिनेश विक्रम शाहले खिचेका केही तस्बिरहरु:
प्रतिक्रिया दिनुहोस !
