हुन्डाई युरो कप प्रतियोगिताका विजेता पुरस्कृत
काठमाडौँ: हुन्डाई गाडीको आधिकारिक विक्रेता लक्ष्मी इन्टरकन्टिनेन्टल प्रालिले युरो कप २०१६ को अवसरमा आयोजित युरो कप भविष्यवाणीका विजेतालाई सोमबार पुरस्कार वितरण गरेको छ ।
सो प्रतियोगितामा शोयोग राणा, महेश रेग्मी र अभि गुप्ता ग्रान्ड विजेता भएका छन् । साथै अशोक सापकोटा पृथ्वी, अनिशा बटाजू र आशिष मानन्धर टुर्नामेन्ट विजेता भएको कम्पनीले जनाएको छ ।
जेठ २४ देखि असार २६ सम्म चलेको यो कार्यक्रमका पहिलो विजेताले ४० इन्चको सामसुङ एलइडी टीभी, दोस्रो हुनेले ३२ इन्चको सामसुङ एलईडी टीभी र तेस्रो हुनेले सामसुङ जे५ मोबाइल फोन प्राप्त गरेका छन् ।
सर्वाधिक गोलकर्ताको भविष्यवाणी गर्ने अशोक सापकोटा पृथ्वी, उत्कृष्ट खेलाडी भविष्यवाणी गर्नेमा अनिशा बटाजू र युरो कप २०१६ को विजेता भविष्यवाणी गर्नेमा आशिष मानन्धर टुर्नामेन्ट विजेता हुँदै सामसुङ जे७ मोबाइल फोन प्राप्त गरेको कम्पनीले जनाएको छ ।
प्रतिक्रिया दिनुहोस !
