यतीले पचास प्रतिशत हकप्रद सेयर दिने

 काठमाडौंः यती डेभलपमेन्ट बैंकको चौधौं वार्षिक साधारण सभा शनिबार सम्पन्न भएको छ । सभाले सर्वसाधारण सेयरधनीका तर्फबाट रिक्त सञ्चालक पदमा रुपेन्द्र पौडेललाई चयन गरेको छ । सभाले सञ्चालक समितिको प्रतिवेदन, आर्थिक वर्ष २०७१/७२ को वासलातलगायतका विषय पनि पारित गरेको बैंकले जनाएको छ ।
साधारण सभामा विशेष प्रस्तावअन्तर्गत पेस गरिएको संस्थापक समूहको सेयर स्वामित्व ५१ प्रतिशत र सर्वसाधारण समूहको सेयर स्वामित्व ४९ प्रतिशत कायम गर्ने प्रस्तावसमेत पारित गरिएको छ । बैंकले सेयर स्वामित्व परिवर्तन भएपश्चात् कायम हुने चुक्ता पुँजीको आधारमा दुई बराबर एकको अनुपातमा हकप्रद सेयर जारी गर्ने भएको छ ।
साधारणसभाले उपयुक्त बैंक तथा बित्तीय संस्थासँग एकआपसमा गाभ्ने÷गाभिने वा विदेशी रणनीतिक साझेदार भिœयाउनेलगायत मर्जर, एक्युजिसनसम्बन्धी आवश्यक प्रक्रिया पूरा गर्ने अख्तियारी सञ्चालक समितिलाई दिएको बैंकले जनाएको छ ।