कलर्स इलिट इ १५ को मूल्य घट्यो
काठमाडौंः कलर्स मोबाइल इलिट इ १५ को मूल्य घटेर १२ हजार चार सय ९५ रुपैयाँ कायम भएको छ । १३ हजार नौ सय ९५ रुपैयाँ रहेको यो फोनको मूल्य घटेर १२ हजार चार सय ९५ पुगेको कम्पनीले जनाएको छ ।
नेपालमै पहिलो पटक ५ हजार एमएएच ब्याट्री क्षमता भएको कलर्स इलिट इ १५ मा पावर जगेडा गर्ने पावर बैंक प्रविधि रहेको छ । सबैभन्दा धेरै पावर क्षमता भएको यो फोनको बढ्दो माग र ग्राहकमाझ सर्वसुलभ बनाउने क्रममा यसको बजार मूल्य घटाएको कम्पनीले जनाएको छ ।
५ इन्चको एचडी आईपीएस स्क्रिन रहेको कलर्स इ १५ मा एन्ड्रोइड ललिपप ५.१ रहेको छ । १६ जीबी रोम प्लस दुई जीबी र्याम रहेको यो फोनमा ८ मेगापिक्सलको रिएर क्यामरा र ५ मेगापिक्सलको सेल्फी क्यामरा छ ।
१.३ गेगाहर्जको क्वाड कोर प्रोसेसर प्रयोग गरिएको यो फोनमा पावरको बचत, छिटो चार्ज हुने र पावर बैंकजस्ता विशेषता छन् । कलर्स मोबाइलका बजार व्यवस्थापक राजजंग थापाले कलर्स एक्स फ्याक्टर इलिट इ १५ को मूल्यमा भारी छुट दिएर सम्पूर्ण स्मार्टफोन प्रयोगकर्तालाई सजिलै यसलाई अपनाउन प्रोत्साहन गरेको बताएका छन् ।
कम्पनीले फोनमा ६ महिनाको वारेन्टी पनि प्रदान गरेको छ ।
प्रतिक्रिया दिनुहोस !
