डाबर स्पेसल तीज महोत्सव हुने
काठमाडौंः महिला सिर्जनशील केन्द्रले डाबर स्पेसल तीज महोत्सव गर्ने भएको छ ।
नेपाली महिलाको विशेष पर्व तीजका अवसरमा त्रिपुरेश्वरस्थित वल्र्ड ट्रेड सेन्टरको तल्लो तलामा आउँदो साउन २७ देखि ३१ गतेसम्म महोत्सव गर्न लागिएको हो । केन्द्रले १५ वर्षदेखि तीज महोत्सव गर्दै आएको छ ।
डीईसीसी नेपाल प्रालिको व्यवस्थापनमा तीज महोत्सव हुन लागेको आयोजक संस्थाले जनाएको छ । महोत्सवको मुख्य प्रायोजक डाबर स्पेसल हेयर ओयल रहेको छ ।
तीजका लागि आवश्यक सामाग्री, हस्तकला, साडी, कुर्ता, गिफ्ट सामाग्री, मेहन्दी, घरायसी सामानलगायत ९० भन्दा बढी स्टल रहने आयोजकले जनाएको छ । महोत्सवमा निशुल्क प्रवेश छ । महोत्सवमा ४० हजार दर्शकले अवलोकन गर्ने आयोजकको अपेक्षा छ ।
प्रतिक्रिया दिनुहोस !
