प्रधानमन्त्रीले परराष्ट्र सचिवलाई टेलिफोनबाटै दिए निर्देशन
काठमाडौंः प्रधानमन्त्री पुष्पकमल दाहाल ‘प्रचण्ड' ले परराष्ट्र सचिव शंकरदास बैरागीलाई टेलिफोन गरी साउदी अरब र श्रीलंकामा अलपत्र परेका नेपालीलाई तुरुन्तै राहत र नेपाल आउने वातारण निर्माण गर्न निर्देशन दिएका छन् ।
साउदी अरबमा सयौं नेपाली र श्रीलंकामा ४५ जना नेपाली महिला अलपत्र परेको समाचार सार्वजनिक भएपछि प्रधानमन्त्री दाहालले तुरुन्तै उद्वारमा लाग्न निर्देशन दिएका हुन् ।
अवस्था हेरेर राहत, रोजगारीको व्यवस्था र नेपाल फर्कने व्यवस्था गर्न परराष्ट्र सचिवलाई प्रधानमन्त्री दाहालको निर्देशन थियो ।
प्रधानमन्त्रीले सम्बन्धित देशको सरकार र दुतावाससँग समन्वय गरी यथाशीघ्र त्यही रोजगारीको व्यवस्था गर्न तथा त्यसो नभए सरकारी खर्चमै नेपाल ल्याउन पनि निर्देशन दिएका छन् ।
सो अवसरमा परराष्ट्र सचिव वैरागी दासले प्रधानमन्त्रीको निर्देशन तुरुन्तै कार्यान्यवन गर्ने बताए ।
प्रतिक्रिया दिनुहोस !
